| esther's profileesther's spacePhotosBlog |  Tools  Help |
esther's spaceYep, I lost my previous account stupidly, so I started a new account. |
||||
|
May 13 假如我是龔如心假如我是龔如心, 我一定要包個靘仔D, 同埋要口密D. 仲有點都要對自己好D, 俾多D$$, 搵個6尺4寸精壯, 勁雙眼皮既醫生, (By the way, 我係冇制服情意結，千祈唔好誤會）借種生仔，至少都唔可以笑得鬼咁樣衰。仲有，與其俾２１億風水佬去續命，不如做多Ｄ善事。或者起個小甜甜主題公園，要個個職員都紮孖辮。如果真係咁鍾意＄＄既話， 可以學唐老鴨uncle史高治叔叔，整番個金幣泳池玩下。再唔係收養番百零二百個契仔契女，等多Ｄ人俾Ｄ愛自己／自己俾多Ｄ愛人。
諗諗下，其實我個標題改為＂假如我係一個有好多＄＄既女人＂都係一樣架啫。 May 05 又生日啦唔記得有幾耐冇寫BLOG....冇寫BLOG既D段時間, 似乎好迷失, 有好多唔如意既事發生....直到我生日, 好老套咁講, 收到朋友既祝福, 真係好感動. 雖然平日少見面, 有D真係幾年先見一次, 但係佢地真係會年年記得我生日 (當然Facebook既birthday reminder功不可沒). 至少我知道雖然我仲係一事無成, 但係我仍然有一班好朋友. (大家唔好太過感動, 雖然我知我D番說話由我口中講出嚟係比較感人/ 肉麻).
唔知幾時開始完全唔想慶祝生日, 覺得生日好似係一個好令人討厭既鬧鐘, 不停咁嚮度提醒我時日無多, 點解自己仍然捉唔住自己既幸福? 最灰係自己知自己事, 知道自己仍然搵唔到自己既方向, 盲頭烏蠅四圍撞, 好似有好多野可以做, 又似乎有好多野做唔到. 記得有一位人兄教我玩Snooker, 佢話:你要好似隻手上面有一隻雀仔咁, 想俾佢飛走, 但係又唔想佢走. 我當其時既反應,除左O咀, 仲可以點. 到最後梗係學唔識點可以打好D...不過佢既講野就好似我而家既心情, 即係唔知想點.
如果上天可憐我, 可以攞枝神仙棒"ting"一聲咁點醒我就好......係好消極, 諗下啫, 唔得咩!
P.S: 以下係我覺得幾精警既訪問答案:
" 白 姐 姐 曾 向 本 刊 暗 寸 阿 Paul 因 經 常 與 入 境 團 旅 行 社 協 會 主 席 侯 叔 祺 一 起 而 忽 略 她 。 阿 Paul 與 白 姐 姐 這 次 箍 煲 之 旅 ， 侯 叔 祺 （ 圖 ） 由 出 發 至 抵 港 都 陪 着 二 人 ， 問 白 姐 姐 可 有 殺 風 景 ， 她 答 得 抵 死 ， 「 我 哋 三 位 一 體 ， 聖 父 、 聖 子 、 聖 靈 ， 阿 Paul 至 叻 ， 梗 係 聖 父 ， 我 乜 都 聽 晒 阿 Paul 話 ， 咪 係 聖 子 ， 至 於 佢 咪 係 聖 靈 ， 好 似 靈 魂 附 體 咁 跟 住 囉 。 」"
February 21 港女嗰日, 返學途中, 有個男人企嚮我前面同我後面既4眼女人講:你行快d得唔得呀? 然後嗰女人就將把聲提高8度答道:唔係呀, d風好大呀~跟住個男人話:關咩事呀!?我聽到之後, 為免我忍唔住笑出聲, 所以就急步”扒”佢地頭. 我嚮度諗究竟香港女人有幾弱不禁風? 定話其實之不過係投其所好咁扮柔弱?
香港既女仔(港女) 係出左名惡死. 唔知係咪近來因為意識到祖國開放後, 競爭越來越大, 所以有所改變? 你見阿羅嘉良呀, 鍾鎮濤呀, 魏俊傑呀, 一個二個都娶內地佳麗就知. Oh, 係仲有城城tim…
我都有幾個auntie 都冇結婚. 我估計係有幾個原因係導致佢地唔結婚, 亦唔多唔少都係部份香港女士遲婚或不婚既原因. 首先, A, 佢地其貌不揚 (sorry, auntie 都冇面俾). B, 佢地收入唔低, 又唔駛擔心退休生活, 即係唔駛人養, 又即係少左一個會令佢地主動及積極搵男朋友既動力. C, 性格有D古怪. D, 要求頗高, 淨係要收入高過佢地, 又要鍾意佢地都幾難搵.
身為港女一份子既我都係時候要自我反省同檢討一下, 點解我仲未嫁得出先得…. December 19 時事新聞終於有番心機啦! 發覺家人原定來係咁重要! 所以可以寫下BLOG.
今晚嚮屋企睇"豬肝補氣", 我問阿媽知唔知點解齣戲收視麻麻地, 佢話唔知, 我說話現實發生咁多事仲好睇過電視啦!
睇大劉女人有錢身痕論好過睇宋世萬嫁要娶4姨太;
睇大劉女朋友V.S女助手好過睇3姨太V.S大姨太
睇賭王贈亨亨結婚好過睇陳豪V.S宋世萬;
睇"名妓"快刀斬"魔童點都快過陳豪打林保怡;
賀峄娶蔡少芬有乜出奇? 請睇以下"時事新聞":
YAHOO心情新聞:
有趣: 倪震宣布與周慧敏申請結婚
難過: 倪震宣布與周慧敏申請結婚
無聊: 倪震宣布與周慧敏申請結婚
離譜: 倪震宣布與周慧敏申請結婚
憤怒: 倪震宣布與周慧敏申請結婚
恐怖: 倪震宣布與周慧敏申請結婚
其實無論技術上又好結構性又好。。倪生都係犯普遍男人既問題。。咪都係咸濕之嘛
December 07 1+3+4+7=12,0001個晚上, 3個uncle, 4部電腦..... Kraftwerk live in HK 08, 令我興奮左一晚.80年代既音樂到宜家聽番, 都仍然咁未來感重.30年都係玩同一樣野, 仍然可以嚮你袋攞你$680入場., 除左佩服, 仲可以講乜? 海角7號... 開頭覺得個男主角淨係得個一號表情, 冇乜好感, 但係當佢同女主角嚮海灘上講:留下來或者我跟你走, 嘩!冧到呢....要注意佢唔係淨係叫女主角留低, 而係跟佢走都得...唔係個個男人講得出架! 不過個女主角可以靚d會好好多. 唔係講笑, 有一幕, 個女主角喊到d眼睫毛液溶曬,係現場係有男觀眾嚇到叫左出嚟, 絕對冇誇張! 以前聽d朋友講福建話, 覺得音好鬼難聽, 但係嚮齣戲又幾得意. 以下三個句子/ 字係我唯一記得, 估下點解: "你講舍咪" "派橋" "揸波" 1+3+4+7=12,000分精彩 |
||||
|
|
